Falling for my Rebound Girl (Filipino / Tagalog)

Cara Althea Romance

Nang mamatay ang magulang ni Marisol dahil sa isang aksidente, kasamang ibinaon ng mga ito ang pag-asa niyang maging masaya at mamuhay nang maalwa. Naging masalimuot ang buhay niya sa kamay mismo ng tao na dapat sana ay pumoprotekta sa kaniya. Nang magkaroon siya ng sapat na lakas ng loob ay kaagad siyang tumakas sa kabila ng lamog niyang katawan. Dala ng labis na gutom at pagal na katawan ay nalugmok siya sa daan. Natagpuan siya ni Tyrone Belmonte at dinala siya hacienda na pag-aari ng abuela nito at iniwan doon.

Makalipas ang dalawang taon, hindi niya inaasahang hihingi ng pabor sa kaniya si Tyrone... ang magpanggap na nobya nito para pagselosin ang runaway bride nito. Okay na sana, ang kaso, na-in love naman siya sa lalaki kahit alam niyang mahal pa rin nito ang dating nobya.

At tila ba talagang hindi sila naaayon sa isa't isa at balak talaga silang paghiwalayin ng tadhana. Bukod kasi sa kinailangan niyang umalis dahil natunton siya ng tiya niya, nalaman din niya ang hindi kaiga-igayang katotohanan tungkol sa pagkamatay ng magulang niya na may malaking kinalaman kay Tyrone at sa pamilya nito.

Kaya mas minabuti niyang lumayo at magtago bago pa siya tuluyang malugmok sa pagmamahal sa maling tao at tuluyang masaktan ang walang muwang niyang puso.

Pero, hanggang kailan niya iiwasan ang tadhanang matagal nang nakatakda sa kaniya at kay Tyrone? Maiwasan kaya niya ang muling pagsibol ng pag-ibig sa binata at panatilihin ang galit niya sa dibdib?

Unfold