I ALMOST FALL FOR YOU

MN ESRA Romance

TAGLISH
Dumating siya sa buhay ko parang bagyo. Para siyang malakas na hangin at ulan, natangay lang kaya ako? Dumadagundong na kulog at matalim na kidlat, natakot lang ba ako sa sobrang lakas ng dating ng isang Jared Jacob Montelibano? May kaya sa buhay, matipuno ang katawan, mataas ang pinag aralan at sobrang gwapo. Maraming babae ang nakapila para lang mapili niya kahit isang gabi lang. Pero bakit kaya ako ang napili niyang yayaing pakasalan?

Simple lang naman ang isang Marinella “Arin” Cortez. Hindi kami buena pamilya pero marangal. Tinapos ko ang pag-aaral na may honors din naman. Isa na akong ganap na CPA at nagtatrabaho sa isang malaking kumpanya at boss ko si Jared.

Pero bago ang lahat kailangan kong malaman kung ang isang lalaki sa kaibuturan ng puso ko ay talagang minahal ko. Theodore Benjamin “Teejay” Abesamis, mula ng malaman ko kung paano magmahal, minahal ko na yata siya. Teenager pa lang ako parang mahal ko na ang mokong na iyon. Malakas din ang dating ng personalidad niya at may malago ring kabuhayan. Inaalok din niya ako ng kasal.

Kung bagyo si Jared, para namang maaliwalas na panahon si Teejay. The exact opposite, like stormy day and sunny day. Except for that major difference, all things are equal. Pareho ng status sa buhay, maganda ang kinabukasan, parehong malakas ang personalidad at pareho daw nila akong mahal.

Sino sa kanila ang karapat dapat kong mahalin?

Ang lalaki sa kasalukuyan na isang tingin lang na tutunaw ako o ang lalaking nasa systema ko na mula ng malaman ko kung ano ang ibig sabihin ng salitang pag-ibig?

Unfold