The Ruthless Mafia Boss' Substitute Wife

Weng Cipriano Romance

My Dangerous Lovers - Mafia Writing Contest
"Sino ka ba? Bakit kailangan mo akong ipa-kidnap?!" Walang kamalay-malay si Annchen na pagkatapos niyang mamili ng notebook sa isang maliit na bookshop sa bayan ng Santo Cristo ay sa ibang bahay na siya mauuwi. Piniringan siya sa mata ng mga taong kumidnap sa kanya kung saan sa isang mala-kastilyong kulungan na ang bagsak niya pagkatapos.
Nakatalikod ang lalaki habang humihithit ng sigarilyo. Malapad ang katawan at halos hindi siya umabot sa dibdib nito. Sa kabila niyon ay hindi siya nakaramdam ng takot. Sa bansang pinanggalingan niya bago siya umuwi sa Pilipinas, higit pa sa laki ng lalaking ito ang panganib na tinakasan niya noon.
Nang humarap ang lalaki sa kanya ay nanlaki ang mga mata niya sa taglay nitong kakisigan. Nakaramdam lang siya nang panganib nang masaktan siyang bahagya sa mariin nitong hawak sa panga niya.
"Ihanda mo ang sarili mo dahil magbabayad ka ng pagkakautang sa 'kin."
"U-utang?! Ni hindi nga kita kilala..."
"Pero kilalang kilala kita. At dahil ang pamilya mo ang pumatay sa asawa't anak ko, maniningil ako ng hustisya sa paraang alam ko."
"A-anong ibig mong sabihin?"
"You will marry me and you will carry my child. And that wedding will happen tonight."
"Tonight?!"
Ngayon ay kilala niya na kung sino ang lalaking nasa harapan niya. Isa sa pinakamakapangyarihang pamilya sa Lucca, Italya ang mga Rossini. At mortal na kaaway ng pamilyang kumupkop sa kanya.
Paanong nangyari na ang tinakasan niyang kasal sa Italya ay kauuwian din niya dito sa Pilipinas? Hindi na ba talaga matatahimik ang mundo niya?

Unfold