My First Love's Son

deegagsWriter Romance

Unang pag-ibig ni Sapphire Gem Arcillo si Derek Jad Velasco. Nakatira sila sa iisang lugar. Nanggaling sa isang marangyang pamilya ang binata habang ang kanyang pamilya ay naghihikahos. Kahit pa man sa iisang komunidad sila nakatira ay tila walang pag-asang tapunan siya nito nang pansin. Naisip niyang dahilan ay marahil ang malaking agwat ng estado ng kanilang pamumuhay at ang taglay niyang kapangitan. Nanumpa siya na balang araw aangat din ang kanyang buhay at babalikan niya ang binata.
Ilang taon ang lumipas at naging isang matagumpay na Fashion Designer si Sapphire. Tulad ng kanyang pangako sa sarili noon ay binalikan niya ang kanyang unang pag-ibig. Palagi niyang sinusubaybayan ito. Hanggang sa magkita sila sa isang bar at hindi nito lubos makilala kung sino siya. Malaki ang kanyang pinagbago, mula sa pangit at dati'y inaapi ay isa na siya ngayong magandang dilag na tinitingala. Sa muling pagkukrus ng kanilang mga landas ay isang mainit na gabi ang kanilang pinagsaluhan.
Iniwan niya ang binata sa mismong gabi matapos nilang magtalik at nagdesisyon siyang itago rito ang kanyang pagbubuntis. Nasaktan ang puso niya dahil kinailangan niyang bitawan at iwan ang lalaking pinakamamahal niya para sa kanyang matagal na pangarap. Ang pangarap niyang gumawa ng pangalan sa fashion industry at makilala sa buong mundo. Subalit kapalit ng pagsasakripisyo niya ay ang pagsilang niya sa isang anghel na lalaki. Ito ang tanging magandang ala-alang bunga ng isang gabing pagtatalik nila ng kanyang unang pag-ibig.

Unfold