The Zodiac Sister - Capri (The Youngest Chairman)

Miss Mee Steamy Stories

Simula nang mabaril si Zeus Sullivan, Chairman ng Sull-Dubio Group of Companies, agad siyang nagretiro — at ipinamana ang korona sa anak niyang si Capri Sullivan.
Confident. Fierce. Unapologetic.
Bata pa lang si Capri, hinubog na siya ng kanyang ama para maging tagapagmana ng kanilang imperyo. Siya ang pangatlo sa apat na magkakapatid — sina Gemini, Aries, at Aqua — ngunit siya lang ang may tahasang kagustuhang sundan ang yapak ni Zeus.
Kaya nang naupo siya bilang bagong Chairman, handa siya sa lahat ng laban. Pero hindi siya nag-iisa. Itinalaga ang matagal nang kanang-kamay ng kanyang ama — si Maxwell Lax — bilang mentor niya. Ang problema? Magkasalungat ang kanilang pananaw. Power clashes. Heated arguments. Cold wars behind corporate doors.
Hanggang isang araw, na-kidnap si Capri. Sa kanyang pagtakas, isang trahedya ang sumunod — naaksidente ang sasakyang dapat sana’y magligtas sa kanya, dahilan para mawala ang kanyang alaala.
Dahil sa sitwasyon, napilitan si Zeus na italaga si Maxwell bilang pansamantalang Chairman ng kumpanya. Ngunit para mapanatili ang kontrol at katahimikan sa boardroom, may isang kundisyon: kailangang ikasal si Maxwell kay Capri. Kaya’t sinabi nila kay Capri na si Maxwell ang kanyang asawa — at dahil wala siyang naaalala, pinaniwalaan niya ito.
Ngunit… paano kung bumalik ang alaala niya?
Paano kung matuklasan niyang kasal siya sa lalaking dati niyang kinainisan? Lalaking pinagsisigawan niya sa boardroom — ngayon ay tinuturing niyang asawa?
Babalik ba si Capri bilang matigas na Chairman na handang bawiin ang lahat — o tuluyan na siyang mahuhulog kay Maxwell?
Sa pagitan ng kapangyarihan, kasinungalingan, at pusong unti-unting natututo muli magmahal — saan hahantong ang isang kasal na itinayo sa isang malaking kasinungalingan?

Unfold