Mananatiling Ikaw (Filipino / Tagalog)

Cara Althea ChickLit

MANANATILING IKAW
(A True to Life Story)
by Cara Althea

“O, pag-ibig na makapangyarihan, ‘pag ika’y pumasok sa puso ninuman, hahamakin ang lahat masunod ka lamang.”

-Francisco “Balagtas” Baltazar (Florante at Laura)

***

1974. Sitio Sanlakas, Probinsya ng Pinagtipunan.

Sa unang sulyap pa lamang ni Leopoldo kay Crisanta noong araw na umabay sila sa kasal ng kani-kanilang mga pinsan ay tinamaan na ang binata sa dalaga. At sa ikalawang beses ng pagtatagpo nila sa isang lamay ay hindi na nagpatumpik-tumpik pa ang binata, sinigurado niyang mahahalata ng dalaga ang pagtingin niya rito na hindi rin nalingid sa mga barkada nila.

Iyon ang simula ng batang pag-ibig nila na nakatakdang biruin ng tadhana at subuking hadlangan nang dahil sa isang matandaang kasunduan.

Paano kung hindi sapat ang pag-ibig nila sa isa’t isa upang ipaglaban ang pagmamahalan nila? Na sa kabila ng tapang at kahit pa nga pagsusugal ng buhay ni Leopoldo para lang mapatunayan ang wagas niyang pag-ibig sa dalaga ay ilayo at itago pa rin ito ng matatanda dahil nakatakda na itong ikasal sa iba?

Paano kung ang paglaban at labis na pagtanggi ni Crisanta sa kasunduang unti-unting pumapatay sa kaniya ay mawalan din ng saysay dahil sa pakiusap na rin mismo ng kaniyang sariling ina upang hindi na dumanak pa ang dugo sa angkan nila at upang hindi na rin mapahamak si Leopoldo, ang lalaking tunay na sinisinta at pinakamamahal niya?

Tuluyan na kayang matutuldukan ang pag-ibig na inakala ng lahat ay panghabam-buhay oras na matali na sa ibang lalaki si Crisanta?

O, biruin kaya silang muli ng tadhana at subukin kung makakaya nilang hanggang sa huli ay sila pa rin? Na sa kabila ng lahat, mamumutawi pa rin sa kanilang mga labi ang pangako sa isa't isang, "MANANATILING IKAW!"

Unfold